سوق العقار التجاري في مصر كان مستاهل أحسن من كده

فكرة تجاري بدأت من ملاحظة بسيطة: لو عايز تشتري شقة في مصر، قدّامك عشر مواقع وآلاف الإعلانات. لكن لو عايز أرض تجارية أو مخزن أو دور إداري، غالبًا هتسأل معارفك وتستنى حد يعرف حد. سوق بمليارات الجنيهات شغّال بأدوات من القرن اللي فات.

السبب إن مواقع العقارات في مصر متبنية للسكني. العقار التجاري فيها تصنيف فرعي بخانات مالهاش لازمة: بتسألك على عدد الأوض والمشتري عايز نسبة البناء، وبتعرض صور المطبخ والمستأجر عايز يعرف ارتفاع السقف وتحمّل الأرضية وقدرة الكهربا.

تجاري مش بتعرض ولا عقار سكني. كل خانة في قاعدة بياناتنا موجودة لأن مشتري تجاري سأل عنها: نسبة البناء، والاستخدام المصرّح بيه، وحالة التسجيل، وأرصفة التحميل، وكهربا 3 فاز، ورخصة التشغيل، والعائد على العقارات المؤجّرة.

وإحنا مش لوحة إعلانات. كل عقار بيعدّي على فريقنا قبل النشر، وكل صفقة بتتدار كوساطة كاملة: فلترة المشترين، وترتيب المعاينات، وتوقيع اتفاق الوساطة قبل ما نجمع الطرفين. عمولتنا في البيع 1% على البايع والمشتري مايدفعش حاجة، وفي الإيجار نص شهر من كل طرف، ومش مستحقة غير بعد إتمام الصفقة.

ورا تجاري فريق شغّال في المبيعات ومراكز الاتصال بين مصر والإمارات من ست سنين. إحنا عارفين قمع المبيعات بيتبني إزاي، والعميل المحتمل بيتتابع إزاي لحد القفلة، وده بالظبط اللي ناقص سوق العقار التجاري في مصر.